Hallo Liebi 🙋🏻‍♀️

☠️ Hesch ou kei Bock meh uf de ganzi Mischt? 

Wetsch ou eifach  läbe, 🌺  Frau* sie und die Sache mache 🔥 wo dir Freud möched 👻und dich uf dini Herzenswünsch 💖fokusiere und glichzitig e Alltag ha wo dich ned völlig usnockt?

🙅🏻‍♀️ Ich ha kei Bock meh, das egal was machsch als Frau*, sowieso falsch isch.

💓Vel lieber wärs mir, üse Alltag & Strukture möched meh Freud, und mir teiled die mitenand und empowered dür das anderi.

🙅🏻‍♀️ Ich ha kei Bock meh uf  Datelücke Frau* und das bi Medikament, Autofahre und bi ganz vel anderem Alltags-Chram, mir Fraue* es höhers Risiko hend.

🌱 Vel lieber wärs mir, das mine Körper und mine Zyklus als Vollwertig agluegt wird, so wiener ebe isch und automatisch i de Produktentwicklig mitibezoge wird.

🙅🏻‍♀️ Ich ha kei Bock meh uf  Schmerze und das mir Unwohl isch, well üsi Leistigsgsellschaft und Alltagsstrukture kei Rücksicht nämed uf mini normale Energie-Levels, wo i mine Zyklus eifach mit sich bringt.

🏄🏻‍♀️ Vel lieber wärs mir, das Alltagstrukture flexibler sind, und über en Monet adänkt sind, so meh Flexibilität für alli Mönsche und Lebenssituatione bietet.

🙅🏻‍♀️ Ich ha kei Bock meh uf  Slutshaming will ich während mine einzelne Zyklusphase es anders Lustempfinde ha, verschiednigs usprobiere, mini Lust uslebe und bim usprobiere was mir gfallt, mir erlaube mini Meinig z'ändere.

🍆🍑 Vel lieber wünsch ich mir das über Konsenz rede lustvoll und zum Vorspiel dezue ghört, Nei normal isch und kei Agriff uf de Selbstwert oder Selbstbild, Sex i de Gsellschaft weder meh mit individueller Freud & Spass verbunde wird und Missbruchs- & Übergriffs-Wundene adäquat ganzheitlich behandlet werden und so weder in e freudvolli, lustvolli Sexualität cha transformiert wärde. 

🙅🏻‍♀️ Ich ha kei Bock meh uf toxischi Eigeverantwortig wo mir redt, ich sigi für alles i mim Läbe selber verantwortlich und us dem use Opfer-Täter-Retter Dynamike pusht wo üs ebe immer wieder i de alte Muster bhalted.

💡 Vel lieber wärs mir, mir würded de Begriff vo de Eigeverantwortig weder ernst näh und uf das reduziere, wo s'wirklich isch und üs bewusst uf üsi Gwohnti Welt  wo mer handligsfähig und selbstwirksam sind konzentriere und mal dete wirklich, he luege, wo mir überall chönd ifluss näh.

💡Vel lieber wärs mir, mir würded Trauma ned eifach nur als Modewort bruche, sondern wirklich verstah was Trauma bedütet, Verhalte als Schutz-und Überläbens-Strategie erkönne und verstah, das mir alli us üsne Familiesystem und Gsellschaftssystem traumatisierti Ateil i üs hend.

🙅🏻‍♀️ und ich ha kei Bock meh uf verchopfti Selbterfahrigsrüüm, Erfolgs-Strategie und Therapie-Wunder-Methodene wo uf Optimierigswahn, Leistigsgsellschafts-System und em Fokus uf Chrankheit und Fehlfunktione ufbaut sind.  

✏️ Vel lieber beschäftige ich mich mit de Abentüür-Reise, inspiriert vom Heldereise Konzept vom J. Campel, chume debi in Kontakt mit mine Ressource, entdecke Lösigsstrategie und Alternative wo ich i mim Struggle inne ned erkennt ha, fühle mich Selbstwirksam und chume e anderi Perspektive uf mini Problem und neue Input für mine Alltag.

10 mega nice-i Zyklusheldine-Mindset win-win's 🏆

#1 🏆 Dine Zyklus isch sowieso da!

Liebi de Zyklus ischs Betriebssystem vo Fraue*, Egal
wie du zum Zyklus steisch, was du drüberd dänksch, die Hormon und das Prinzip vom Zyklus isch e Funktion vom Körper.  Je besser Du dich und dini Körperfunktione, wo im übrige ou psychischi Vorgäng dezue zelled, versteisch, desto besser chansch ou demit umgha oder erkenne wo grad s'Problem oder Blockade isch.

💝💝 Je besser Du versteisch was grad bi dir lauft, desto besser chansch Du ou im use Schnittstelle baue mit anderen Mönsche und zB. mitteile, was du iz grad bruchsch oder dich eifach grad beschäftiged. Das isch nachhaltigi Völkerverständigung ;-)

#2 🏆 De Umgang mit Gfühl chamer ou trainiere!

Dir Ziit näh für dich, dine Empfindige, Gfühl & Emotione Ruum gä, isch keis Zeiche vo Schwächi, sondern vel meh es Training vo dinere Emotionsregulation und Erlerne vo Fähigkeite wie Du konstruktiv dini Gfühl chansch nütze.

💝💝 Je passender du uf dini Gfühl reagiersch desto weniger eskaliereds i dir inne, das bhaltet dich im Flow und ganz nebebi reagiersch du ou mit meh entspannig uf anderi Mönsche und ihri Gfühl.

#3 🏆 Ressource im Scheiss erkönne!

De Fokus uf Ressource z'setzte bedütet ned sich alles schön z'rede, oder Problem, Schwierigkeite oder Chrankheite uszblände. Ganz im Gegeteil, Ressource erkönnte bedüdet ebe genau he z'luege und Sache z'finde und Wertschätze wo ghulfe hend, mit schwierige Situation und Useforderige klar z'cho.

💝💝 Ressource sind kei fixi Liste usem Lehrbuech oder usem chatpgt, Ressource sind
immer mit persönliche Erlebnis und Vorussetzige verbunde. Je meh du das erkönsch, desto offener bisch du ou gegenüber vo (individuelle) Ressource vo anderne und chansch sie i dem unterstürze sich selber z'sie.

#4 🏆 PMS sind eskalierti Bedürfnis!
I üsere Gsellschaft sind Gfühl immer no schwierig und schnell wird alles wo "Emotional" isch extrem abgwertet und oft scho im Keim erstickt. Scho vo chli uf wiärded üs Gfühlsüsbrüch abtrainiert anstatt das mir lernend, was sie üs wend säge und wie mir konstruktiv demit uchönd umgah, so das sich das Gfühl ou weder uflösed. 

De Körper het ned wirklich vel Möglichkeite mit üs z'kommuniziere. Und grad Sache uf de psychische Ebeni, sind halt schwierig bemerkbar z'mache. PMS sind oft Bedürfnis, wo scho sehr sehr lang hend müsse versteckt oder unterdrückt wärde. 

Das machts denn halt ou schwierig, weder in Kontakt mit ihne z'cho. Das brucht oft Ziit. Ihne Ruum z'gä, zuezlose und sich selber zuewende chan einiges im Lebe dürenand bringe, glichziti aber ou en grossi Chance sie, fuuli Kompromiss ufzdecke und meh Läbensqualität z'schaffe. Bedürfnis z'stille bedütet ned, sich ständig nur hert z'gönne, sondern sich selber wahr und ernst z'näh und ine z'lose, was mer eigentlich zum Lebe brucht oder wie mer sich das vorstellt.

💝💝 Bedürfnis sind zentrali Lebenstrieber. Mit ihne z'schaffe macht dich flexibler und ged dir meh Uswahlmöglichkeite. So chansch Du ou mit dim Umfeld bewusster zäme gstalte und passendi Verbindige sueche.

#5 🏆 Blüehe brucht Pause und Rückzug!
Ständig under Strom sie, immer aktiv ged en Churzschluss oder no es bessers Bild, e Baum wo im Herbst verpasst Blätter abzwerfe, übersteid de Winter ned. Pause und Rückzug sind wichtigi Faktore für de Erfolg. Zum Blühe und Erfolg ha, bruchts Energie und Chraft und genau die sammlisch wenn Pause machsch, dich zrugg ziesch und aktiv bi dir blibsch, anstatt im use dini Akkus z'lehre. Üse Zyklus verkörpered das Prinzip quasi vo Natur us. Grundsätzlich isch die zwöiti Zyklsphase uf de Rückzug, d'Inneschau und s'loslah und sich uf de nächschti Zyklus vorbereite usgleid. Das bewusst z'läbe und in Alltag izboue, isch aber e Entscheidig wo mir selber müend träffe und Möglichkeite sueche, wie mer das im Alltag iboued.

💝💝 Sich use z'näh und zrugg zieh, isch oft schwierig, vor allem wenn mer sehr aktiv im use isch, oder igspannt dür Familie oder e Kaderposition. Glichzitig profitiersch du aber sehr vo dene Uszite uf velne Ebene. Das aktiv z'Läbe und Lösige im Unfeld z'finde hilft üs allne, weder meh zrugg zunere natürliche Balance z'cho und Burnout und Erschöpfige vorzbüge.

#6 🏆 Perfektes Timing
Üsi Welt funktioniered nach Strukture wo üs beiflussted. Strukture an sich, sind wichtig, denn sie gebed üs halt und mached üses Läbe liechter.  Ganz veli vo üsne Alltagstrukture und Norme sind historisch gwachse und  patriarch prägt und infolge desse, das überwiegend Manner gstaltend am öffentliche Läbe teil gno hend, isch veles vo üsem Normal a de Norm Mann usgrichtet. 

Mir Fraue*  hend vo Natur us en andere Rhytmus, denn mir sind zyklisch. I üsem System sind anderi Hormon dominant, als bi Männer. Veles isch bi üs eifach e Frag vom Timing und de entpsrechende Zyklusphase. Oft hend mir Fraue denn z'Gfühl mir seged falsch, well mer de Norm ned entspreched. Und genau da ischs wichtig, de eigethi Rhytmus und Zyklus besser könne z'lehre und z'verstah wie die Zyklus ou im Kontext vo üsne Alltags-System eifach es anders Timing hed.

💝💝 Jedi Zyklusphase het ihri Qualitäte und ihri Ziit. Je meh Du uf dich losisch und das ou im Use kommuniziersch oder dini gwohnti Welt mit gstaltisch, desto meh entdecked das ou anderi Froue. Und so wirds irgendwenn zum Kollektivbedürfnis und mit dem chan en Systemwandel gscheh und besseri Bedingige für alli gschaffe wärde.

#7 🏆 anderscht isch eifach anderscht, ned komisch oder schlecht, oder abnormal, eifach anderst!
Mir wösseds doch usem Privatläbe alli - Manne* und Fraue* ticked eifach anderst und das isch doch ou guet eso. Genau das ged üs ja Glägeheit üs z'ergänze und zäme z'schaffe.
Und genau das isch doch ou e mega Ressource für üse Alltag, Gschäftswelt und üsi Gsellschaft. 
Ja üsi Welt isch prägt vo üsere Vergangeheit, Fraue* sind systematisch abgwertet und unterdrückt worde und ja das isch ou no hüt es Thema, wo nonig glöst isch.

Glichzitig muess mer ou festhalte, mir da, i üsere gwohnte Welt, Hend aber ou Wärchzüg, Communitys und Safe-Spaces, wo üs unterstützed und helfed. Mir hend meh Rächt, mir hend meh Chancene und die chömer täglich nütze zum zeige, das mir üs ned münd verstecke und #natürlichzyklisch ebenfalls es Erfolgskonzept isch.

💝💝 Fraue*, Transmönsche und Nonbinäri Menstruierendi i de Vorbildrolle wo offe drüberd rede, wie sie mit ihrem Zyklus schaffed oder ihri wibliche* Qualitäte zeiged und Lösige und Möglichkeite zeiged das es ebe ou anderst geid, sind wichtig für üsi Gsellschaft. Sichtbarmache das es  ou so sehr guet uf die wiblichi* Art geit, macht Muet und regt zum Wandel ah. So schaffemer nachhaltigi Verbesserig und es anders System und genau dür ebe gueti Vorbilder, gseht mer denn ou sehr guet, wos no Handligsbedarf ged.

#8🏆 Realität isch sureal!
Theorie, Wüsseschaft und Forschig, sind wichtigi Bestandteil, denn dür das hemmer mal en Grundlag oder Verstönd wie öppis funktioniert. Glichzitig sind aber das ned totali Warheite, denn üses Lebe isch und blibt e subjektivi Wahrnehmig vo jedem einzelne Mensch, wo ständig ganz e hufe Faktore mit ine schwinged, wo immene wüsseschaftliche Experiment gar ned chönd so umfassend abbilded wärde oder mit ibezoge.
Oft isch üs das gar ned bewusst, denn im Alltag oder im Problem-Strudel nänd mir oft gar nöme richtig wahr, was bi üs passiert, sondern sind inere Art Autopilot und hend s'Gfühl die andere funktioniered ja ou genau glich oder orientiered üs ebe a de Forschig, Theorie oder Lehrmeinige und nänd das unreflektiert als totali Wahrheit ah. Dir Bewusst Ziit z'näh und uf de Abentüür-Reis in Kontakt mit dine Gfühl und Emotione cho, isch es guets Training, ou im Alltag öfters z'gspühre und wahr z'näh, was iz grad dini Realität isch.

💝💝 Je meh du dich und dini Gfühl wahr nimsch, desto meh Rezeptore hesch du ou im use defür. So chansch Du zB. ou anderi Mönsche besser spiegle und ihne so helfe, wahr z'näh, was grad ihri Realität isch und so ine authentische Kontakt cho. 

#9 🏆 In Prototypen dänke - Zyklus-Superchräft aktiviere
I de Produktentwicklig, im Produktdesign dänkt mer in Prototype. Das heisst mir entwickled öppis, geid denn mit dem use und testet das Produkt. Dür das gwinnt mehr neui Erkenntnis und cha so denn de Prototyp immer witer entwickle uf das wo brucht wird, bzw.  a das wo ebe i de Realität stattfindet. Das Denke oder das Konzept chamer ou ufs Lebe awände, anstatt mit "ich muess doch..." Gedanke im Hamsterrad dreie, isch die "Try & Error-Methode" gueti Alternative immer wieder win-win Situatione i dinere gwohnte Welt z'schaffe. Und de bescht isch, dine Zyklus git dir mit de Ufbauphase, Eisprung/Höhepunkt, Abbauphase und de Menstruation, wo Endi & Neuafang isch, scho all die einzelne Phase vom Prototyping vor.

💝💝 Wenn öppis Neu isch, bruchemer e Ziit zum üs finde wie das es mer win-win Situatione schaffe, wo für beidi stimmed. Mitem Prototype-Dänke nehmer üs de Druck use, grad möse alles richtig z'mache. Defür chömers spielerisch, neugierig agah und eifach mal usprobiere und luege was passt.

#10 🏆 Zyklus betrifft üs alli!
Wenn ich vom Zyklus rede, reduziered veli das eifach uf Menstruation oder antwortet mir grad als ersts: "Mich betrifft das ned, ich ha kei Zyklus-Schmärze" oder "Bi mir isch das düre - Ich cha da nöme mitrede" oder Ich als Maa muess mich sowieso ned um das kümmere. Das isch wunderbari Antwort, denn das ged mir jewils Chance mini Expertise voll use z'haue :D 
De Zyklus isch vel meh als Menstruation, vielmeh isches es ganzes Betriebssystem. Wo ebe denn ou no witeri Themene drus use entstönd wie Muetterschaft und Wechseljahr und ganz generell wie mer als Fraue i de Gsellschaft wend teilnäh bzw. au wie mir allgemein mit em Wibleche i de Gsellschaft zB. ou in Form vo de performative Kunstform Drag oder mit Transgender-Mönsche wend umgah.

💝💝 Die verschidnige Hormon innerhalb vom Zylus beiflusse üs. Das isch ned negativ oder öppis womer muess behandle oder dominiere, sondern e Ressource womer aktiv chönd nütze. Wichtig isch aber ebe ou drüberd z'rede, was für verschiedinig Perpsektive und Lebensrealitäte mir Fraue* , Transmänner oder Non-Binäre Menstruierende mitem Zyklus hend. Denn de Zyklus isch ebe ned e Theorie oder es Modell, vielmeh isch es persönlichs Erlebe.