>> Workshop & Kurse <<
Duesch gärn töpfere? Oder hesch das eifach mau wöue usprobiere?
Ich ha im 2015ni mega luscht gha zum öppis mit de Händ mache und bin denn zerst ufs Töpfere cho und denn hani s'keramikwerk in Winti entdeckt.
Nach dem ich fascht jede Kurs wo's denn zu mal im Agebot gha hed bsuecht ha, ha ich den selber agfange während minere Usbildig zur Maltherapeutin de Kurs "Töpfern fürs Herz" und "Abenteuer-Tonwelt" azbiete.
Nach Corona und diverse andere Projektli bin ich jetzt wieder zrugg im Keramikwerk mit mim neue Format FRAUENKRAM AM SONNTAG, wo ich töpfere und mis Zyklus-Wüsse verbinde! und es ged jedes mal no e feine Zmittag * * * * yeahhhh * yeahh * yeahh ***
Hallo Liebi/e* :-)
Ich be d'Zyklusheldine-Abentüür-Erlebnis-Hörbuech Reiseleitig Martina. 🙋🏻♀️
Gern nimm ich dich mit i ne Selbsterfahrigs-Erlebnis-Ruum mitem Fokus uf Zyklusressource und Alltags-Empowerment. Ich gibe dir Denkastöss und leite denn während verschiedene chline Etappene e Abentüür-Reis inspiriert vo de Heldereis nachem J. Campell ah.
So entsteid während ca. 45-60 Minute e Ort wo du chansch usem Alltag abtouche und über eifachi Chritzel-Zeichnige in Kontakt cho mit dine persönliche Impuls, Gfühl, Fragestellige und Heruseforderige aber ou Stärchene, andere Perpsektive, Wünsch und Lösigsasätz.
Ich denke du gspührsch selber am Beste, was dir guet duet, desshalb lad ich dich gern i zunere chostelose Schnupper-Reis, wo Du chansch luege öb dir die Methode, mini Stimm und mini Inputs zuesäged.
